Со поетската манифестација „Меридијани,, вечер во Струга ќе почнат 49 Струшки вечери на поезијата. Годинашниот лауреат на Златниот венец бугарскиот поет Љубомир Левчев претпладнево ќе засади дрво во Паркот на поезијата во Струга. Исто така денеска ќе биде отворена изложба по повод 200 години од раѓањето на Димитар Миладинов. Организаторите најавија учество на шеесетина поети од сите континенти и педесетина домашни автори.
