Во Москва врнат првите обилни дождови по подолго време, но неколку десетици пожари се уште горат во близина на руската престолнина. Во Москва сега нема облак од чад и смог во кој се гушеа жителите изминатите недели, сепак метеоролозите предвидуваат дека облакот може да се врати ако ветерот во следните денови до промени правецот . Од министерството за вонредни ситуаации соопштуваат дека е намален бројот на пожари, но дека 500 и натаму горат низ целата земја. Во околината на Москва горат 29 пожари во чие гаснење учествуваат 14 илјади пожарникари.