САД планираат да му продадат на Кувајт повеќе од 200 ракети од типот „патриот“ вредни околу 900 милиони долари, како дел од долгорочните напори да изградат системи за антиракетна одбрана во Персискиот залив, објави Агенцијата за одбранбено-безбедносна соработка. Целта на оваа иницијатива е да се обезбеди одбрана за сојузниците на САД во Заливот во случај на можен ирански ракетен напад, како и да се испрати сигнал до Техеран дека ниедна негова агресија нема да остане без одговор.
