Претседателот на Иран Махмуд Ахмадинеџад им рекол на претседателите на Авганистан и на Таџикистан дека би можеле да формираат Алијанса во Азија која ќе биде противтежа на НАТО, за да може да се повлечат странските војници од Азија. Ахмадинеџад рекол дека трите земји треба да ја зајакнат економската и безбедносната соработка. Авганистанскиот претседател Хамид Карзаи и таџикистанскиот Имомали Ракхом се согласиле да се зголеми соработката во полето на економијата, трговијата и транспортот.
