Пакистанскиот претседател Асиф Али Зардари денеска ја започнува посетата на Велика Британија по престојот во Франција. Односите меѓу Лондон и Исламабад се влошија минатата недела кога премиерот Дејвид Камерон при посетата на Индија посочи дека Пакистан тајно промовирал екстремизам. Зардари беше под притисок на домашната јавност да ја откаже посетата на Британија, но тој изјави дека во Лондон ќе одговори на изјавите на Камерон.
