Американскиот амбасадор на Косово Кристофер Дел изјавил дека од косовскиот премиер Хашим Тачи слушнал оти властите во Приштина биле подготвени за нешто што би било автономија за северот на Косово. Во веста што ја пренесуваат некои медиуми, Дел прецизирал дека станува збор за уредување какво што постои во некои европски земји, а со кое би се почитувала специјалната природа на северот на Косово. За ова прашање, сепак, како што изјавил амбасадор Дел, треба да се договорат Косово и Србија.
