Надлежниот истражен судија во Битола, по барање на јавниот обвинител ја укинал мерката притвор за фармерите Илиевски, соопшти еден од нивните двајца адвокати. Процедурата за ослободување на Томе, Цане и Душко Илиевски е во тек, изјавил адвокатот. Фармерите беа притворени под сомнение дека произведувале марихуана. Целиот случај доби и политичка димензија, бидејќи Душко Илиевски зборуваше за правата на млекопроизведувачите на митингот на СДСМ. Случајот власта и опозицијата го искористија за дневно политички препукувања.