Собранието на Република Македонија денеска треба да ја одржи 113-та седница на која ќе биде разгледан Предлогот за именување вицегувернер на Народната банка. На дневен ред на седницата се и измените и дополнувањата на Законот за управување со отпад и на Законот за просторно и урбанистичко планирање, двата во прво читање. Пратениците ќе расправаат и за Дополнетиот предлог закон за авторското право и сродните права. На последната седница ВМРО ДПМНЕ и СДСМ не успеа да се усогласaт и да го донесат Деловникот со консензус пред состанок на Советот за стабилизација за Македонија кој во Брисел ќе заседава утре.
