Меѓународната организација за сидата чија конференција денеска завршува во Виена го избра Елија Катабира, професор по медицина од Уганда, за нов претседател на местото на француската добитничка на Нобеловата награда Франсоаз Баре Синуси. Оваа организација е најголемо независно здружение на научници и лекари кои се занимаваат со сидата. Таа има 14 илјади членови од 190 земји.
