Денеска претседателот на Собранието на Македонија Трајко Вељаноски ќе одржи нова координација со парламентарните групи во обид да се договори составот на анкетната комисија за инцидентот во Парламентот на 1 јули и за измените на собранискиот Деловник. Вељаноски вчера во Охрид најави дека неделава ќе свика седница на Собранието со две точки на дневен ред формирањето на анкетната комисија и Деловникот за работата на законодавниот дом.
