Во Собранието на Македонија денеска ќе се одржи вонредна седница со единствена точка на дневниот ред предлог одлука за разрешување на претседателот Трајко Вељаноски поднесена од СДСМ и НСДП. Двете опозициски партии го обвинуваат Вељаноски дека на 1 јули, кога се случи инцидентот пред и во Парламентот, направил низа прекршувања на членот 43 од Законот за Собрание, како и за повеќе други постапки поврзани со овој, но и со други настани. Како други причини за негово разрешување се наведуваат и тоа што денес Собранието го карактеризира „немање политички дијалог, европската агенда е во втор план и носењето закони во скратена постапка“.