Претседателката на Киргистан Роза Отунбаева предупреди денеска дека се можни нови немири во земјата. Отунбаева му кажала на рускиот претседател Дмитри Медведев дека во моментот ситуацијата е релативно мирна, но дека не се исклучува можноста од нови насилства. Медведев и рекол на Отунбаева дека може да смета на руска помош. Во минатомесечните етнички немири во Киргистан загинаа најмалку 294 луѓе. Тоа е најлошиот етнички конфликт во тој региот по распадот на Советскиот сојуз. Отунбаева и Медведев се состанаа на маргините на регионалниот економски самит во казахстанскиот главен град Астана.
