Инцидентот во Собранието бил однапред испланиран од ВМРО ДПМНЕ, а негови непосредни извршители се министерката за внатрешни работи Гордана Јанкуловска и претседателот на Парламентот Трајко Вељановски, изјави денеска портпаролот на СДСМ Емилијан Станковиќ. Тој обвини дека ВМРО ДПМНЕ инсталира полициска држава, со тоа што спротивно на Законот оружени цивили, без полициски значки два дена биле распоредени по собраниските ходници задолжени да го следат и снимаат движењето на пратениците на СДСМ.
