Шефот на ФИФА, Сеп Блатер ја најави можноста од воведување на модерната технологија на некои фудбласки натпревари. Блатер денеска во Јоханезбург изјави дека последните контроверзни одлуки на судиите на актуелниот Мундијал, како непризнатиот гол на Лампард и голот од офсајд на Тевез, покажуваат дека има потреба од отворање на дебатата во врска со примената на нови технологии на натпреварите. Блатер, кој досега беше категорично против воведувањето видео контрола на некои ситуации и судијски одлуки на фудбалските натпревари, сега е пофлексибилен и се извини за грешките на судиите.
