Премиерот Никола Груевски на маргините на Самитот на Процесот на соработка на земјите од Југоисточна Европа, се сретнал со претседателите на Словенија, на Хрватска и на Албанија. МИА јавува дека на средбите се разговарало за продлабочување на политичките односи меѓу државите, а посебно се осврнале на исполнувањето на реформите за членство во ЕУ и НАТО. Но зборувале и за економска соработка, инфраструктурни проекти и трговската размена.