Бројот на жртвите од поплавите кои оваа недела ја погодија јужна Кина се зголеми на 90, а повеќе од 1,4 милиони луѓе се евакуирани бидејќи се очекува регионот и понатаму да биде зафатен од силни бури. Државната новинска агенција Ксинхуа јавува дека многу од луѓето кои загинале биле заглавени при лизгање на земјиштето. Нивото на реките е зголемено и на многу од нив веќе ја поминува безбедната граница.
