Одделот на Обединетите нации за дрога и криминал оценува дека на организираните криминални групи кои дејствуваат преку меѓудржавните граници мора да се гледа како на значителна економска сила. Тие групи кои пред се се занимаваат со криумчарење дрога, луѓе и оружје, како што се додава, можат да ја загрозат стабилноста, па дури и сувернитетот на некои сиромашни држави, пред се во Африка. Најголем бизнис е шверцот на кокаин од Латинска Америка и на хероин од Авганистан. На второ место е шверцот со луѓе, особено жени.
