Македонија можеби ќе се вклучи во меѓународен транзитен коридор за гас „Јужен тек“, ако се изгради крак низ македонска територија. За ова можност денеска во Санкт Петерсбург разговарале претседателот на Македонија Ѓорге Иванов, министер за финансии Зоран Ставрески со генералниот директор на „Газпром“, Алексеј Милер. Тие разговарале и за престојното потпишување на спогодбата за клириншкиот долг меѓу Русија и Македонија, кое ќе создаде услови за учество на „Газпром„ во изградбата на македонската гасоводна мрежа.
