Предлогот „Вардарска Македонија“ може да биде основа за дискусија како и секој друг предлог кој ги усполнува условите на Грција, изјавил заменик министерот за надворешни работи на Грција, Димитрис Друцас, по денешната средба на премиерите на Македонија и Грција. Тој го повторил ставот дека Грција подржува име со географска одредница за севкупна употреба . Друцас, за билатералните средби како денешната во Брисел, изјавил дека можат да донесат само корист за подобрување на билатералните релации и за напорите да се реши прашањето за името.
