Европската Унија на денешниот самит во Брисел се очекува да ги ратификува финансиските прописи. ЕУ се надева дека ќе се избегне реприза на грчката должничка криза. Во пресрет на бриселскиот самит, Шпанија и Франција ги обзнанија политички непопуларните работнички и пензиски реформи. Француски и германски претставници рекоа дека шпанските економски проблеми не се на денешната агенда, а португалскиот премиер рече дека неговата земја нема потреба од финансиска помош.
