Новиот јапонски прмиер Наото Кан предупреди денеска дека Јапонија би можело да се соочи со финансиски проблеми слични на оние што ја погодија Грција доколку не биде преземено нешто за намалување на јавниот долг. Во првото обраќање пред парламентот Кан наведе дека втората економска сила во светот не може да си допушти натамошен раст на долгот кој и онака е најголем меѓу индустриски развиените земји, односно над 200 насто од бруто домашниот производ.
