Европската унија нема да ги признае резултатите од утрешните локални избори, организирани од Србија во северно Косово, изјави шефот на меѓународната цивилна мисија и висок претставник на ЕУ за Косово, Питер Фејт. Тој нагласи дека стратегијата на неговата канцеларија за интеграција на северниот дел на Косово и натаму е актуелна. Фејт изрази надеж дека интеграцијата ќе биде реализирана по моделот применет во општините јужно од реката Ибар.