Советот на Народна банка на Република Македонија денеска ги разгледа макроекономските движења при што е утврдено дека индустриското производство во март 2010 е пониско во однос на претходната година за 11,2 отсто. Обемот на индустриското производство во првото тримесечје имаше годишен пад од 9,4 проценти. Како што се наведува во соопштението од Народната банка, во другите сектори од економијата подобрување во февруари е забележано во трговијата и телекомуникацијата, а влошување се бележи во секторот градежништво.