Иран соопшти дека денеска ќе ја извести Меѓународната агенција за атомска енергија за планот за размена на збогатен ураниум што во минатата недела беше потпишан од Иран, Турција и Бразил. Со договорот, наводно, е предвидено Иран да испрати повеќе од половина од својот ниско збогатен ураниум во Турција во замена за нуклеарно гориво. И покрај предложената трампа, Иран најави дека ќе продолжи со збогатувањето ураниум, по што Вашингтон побара воведување нови санкции против Техеран.