Пребрзото повлекување на германските трупи од Авганистан може да предизвика дестабилизација на земјата, предупреди денеска германскиот министер за одбрана Карл Теодор цу Гутенберг. „Ако падне Авганистан ќе падне и Пакистан, земја која има нуклеарно оружје“ рече Гутенберг и додаде „Воопшто не би сакал да видам дека терористи добиле нуклеарно оружје“. Германската воена мисија во Авганистан, во која се вклучени 4,000 војници, во последно време е многу непопуларна во германската јавност.
