Министрите за финансии на Европската унија на денешниот состанок во Брисел треба да разговараат за начините за спречување на евентуална нова должничка криза како онаа во Грција и за враќање на довербата во еврото. Германската канцеларка Ангела Меркел повика на построга казна за државите кои не ги почитуваат правилата. Германскиот парламент денеска ќе расправа за пакетот на Европската унија и Меѓународниот монетарен фонд, вреден 750 милијарди евра, со кој треба да се гарантира стабилноста во еврозоната.