Првиот човек на НАТО изјави дека Русија почнала разговори со Алијансата за изградба на антиракетен систем во Европа. Андрес Фог Расмусен денеска во Софија изјави дека за оваа можност се разговарало вчера на состанок на советот НАТО – Русија. Тој додаде дека дискусиите меѓу алијансата и Русија ќе продолжат до следниот самит на НАТО кој треба да се одржи во Лисабон во ноември.
