Денеска во Атина беше одржан првиот заеднички состанок на владите на Грција и на Турција во надеж дека тоа ќе ги подобри нивните билатерални односи. На состанокот раководеа двајцата премиери Реџеп Таип Ердоган и Јоргос Папандреу. Турската делегација е во дводневна посета на Грција и е составена од 10 министри и околу стотина бизнисмени кои треба да потпишат дваесетина договори за унапредување на економската соработка меѓу двете земји.
