Албанскиот премиер Сали Бериша во Тирана се сретна со лидерот на ДПА во Македонија, Мендух Тачи. Тие разговараа за последните случувања на политички план во двете земји, движењето и напредокот во евроатланските интеграции. Бериша изјави дека Охридскиот договор претставува величенствено постигнување за Албанците и оти неговото целосно спроведување не е само од голем интерес на Албанците, туку и за сите граѓани во Македонија. Бериша претходно оствари средба и со лидерот на ДУИ, Али Ахмети.