Министерот за надворешни работи на Европската унија Кетрин Ештон во Пекинг изјави дека Унијата и Кина сега разговараат не за тоа дали треба да бидат спроведени нови санкции против Иран, туку за тоа какви да бидат тие. Таа прецизира дека на средбата со кинескиот премиер Вен Џибао било потврдено оти новите санкции се неопходни со цел да продолжи притисокот врз Иран поради неговата контроверзна нуклеарна програма.
