Нафтата која неколку денови истекува во Мексиканскиот залив пристигна на бреговите на делтата на реката Мисисипи. Државата Луизијана која се очекува да биде најпогодена прогласи вонредна состојба и побара шест илјади припадници на Националната гарда да помогнат во чистењето. Претседателот Барак Обама вети секаква помош во справувањето со дамката која по површина е голема колку Јамајка. Нафтата истекува од 22 април по експлодирањето и потонувањето на платформата на Бритиш Петролеум на 80 километри од брегот.