Саудиска Арабија, Иран и Кина се меѓу 13-те земји кои сериозно ги кршат религиозните права, се вели во извештајот на американската комисија за религиозна слобода. Според Кети Косман, член на комисијата, ограничувањето на релегиозните права во некои земји станало важно средство на репресивните влади за останување на власт. Комисијата ја критикува и актуелната и поранешната американска администрација дека прави малку за заштита на основните религиозни права во светот.
