Претседателот на Европската комисија, Жозе Мануел Баросо денеска во Пекинг ќе се состане со кинескиот премиер Вен Џиабао. Тема на разговорите најверојатно ќе бидат трговските прашања, климатските промени и човековите права. ЕУ е најголемиот трговски партнер на Кина, а Кина е вториот по големина трговски партнер со кој соработува Унијата. Европската Унија сака Пекинг повеќе да се отвори за проток на европски стоки и услуги.