Полицијата соопшти дека во напад на бомбаш самоубиец загинаа пет полицајци кои го проверувале неговиот автомобил на контролен пункт во близина на Пешавар. При тоа биле повредени и најмалку осум лица. Во воената офанзива во северозападен Пакистан беа елиминирани стотици милитанти и расчистени многу упоришта на Ал-Каеда и Талибанците, но и покрај тоа, милитанти и натаму вршат самоубиствени бомбашки напади во земјата.
