Вицепремиерот задолжен за европски прашања Васко Наумовски денеска изјави дека сите пораки што доаѓаат од ЕК и евроамбасадорот Ерван Фуере, Владата ги сфаќа како целосно конструктивни и добронамерни. Свесни сме дека улогата на амбасадорот, делегацијата и на ЕК, е да го помогне приближувањето на Република Македонија во ЕУ, рече Наумовски, додавајки дека од педесетина донесени европски закони, критики има само за Законот за води и Законот за антидискриминација.
