Грција е на вистинскиот пат да ги постигне амбициозни цели за намалување на буџетскиот дефицит оваа година, изјави денеска портпаролот на Европската комисија Амадео Тардио. Следната оценка на грчката економија ќе биде направена во мај, при што акцент ќе се стави претежно врз среднорочните перспективи и особено врз структурните реформи, изјави портпаролот. Грчките напори, според Тардио, имаат целосна поддршка од ЕУ, еврозоната, Европската централна банка и Меѓународниот монетарен фонд.
