,,Ако Грција навистина сака да го промовира планот Западен Балкан 2014 година, таа би требало да го смени својот однос спрема прашањето на евроинтеграциите на Македонија, како и спрема Косово,, изјави шефот на македонската дипломатија Антонио Милошоски на денешната прес конференција во Скопје по разговорите со унгарскиот министер за надворешни работи Петер Балаш. Тој најави можна нова средба и разговори со медијаторот Метју Нимиц кон средината на април. Инаку, двајцата министри изјавија дека Македонија и Унгарија имаат многу добри билатерални односи, и во политичка и во економска смисла, но оти има простор тие да се унапредат.
