Американскиот заменик државен секретар Џејмс Стајнберг, кој наредната недела ќе ја посети југоисточна Европа, изјави дека Хрватска како водечка земја во регионот треба цврсто да го заземе своето место во евроатланската заедница. Членството на Хрватска во ЕУ е во согласност со нејзиниот минатогодишен прием во НАТО, истакна Стајнберг, кој од 6 до 8 април ќе ги посети Словенија, БиХ, Србија и Косово.
