Министрите за надворешни работи на Групата 8 индустриски најразвиени земји одржуваат состанок во Канада, на кој една од главните теми е иранската нуклеарна програма. Американскиот државен секретар Хилари Клинтон оцени дека светот не смее да прифати Иран да има нуклеарно оружје и оти Кина треба да биде вклучена во новите санкции против Техеран. Во нацрт изјавата од состанокот се вели дека министрите на Г-8 остануваат отворени за дијалог со Иран, но оти меѓународната заедница треба да превземе соодветни решителни чекори за надминување на иранската нуклеарна криза.
