Британски демонстранти го повикаа папата Бенедикт 16-ти да даде оставка, бидејќи не се задоволни како црквата се справила со свештениците обвинети за сексуална злоупотреба. Демонстрантите протестираа пред Вестминстер катедралата во Лондон, повикувајќи на акција за скандалот. Случаи на сексуална злоупотреба на деца од страна на свештеници се појавија насекаде во Европа, како и во Германија, родната земја на папата. Бенедикт беше критикуван за еден случај додека тој бил надбискуп во Минхен, а неговите постапки беа рзгледани од канцеларијата во Ватикан задолжена за дисциплина на свештениците.
