Претседателот на Македонија Ѓорге Иванов денеска доби писмо од американскиот претседателот Барак Обама со благодарност за дополнителните македонски војници во Авганистан. ,,Со ваквиот придонес, сега Македонија е една од земјите со најголемо учество во ИСАФ според бројот на војници. Го цениме постојаното партнерство на Вашата земја во одговорот на нашите заеднички предизвици, не само во Авганистан, туку и на други места во светот, вклучително во Босна и Ирак. Ве охрабруваме да продолжите да работите преку процесот на Обединетите нации на решавање на прашањето околу името што е можно поскоро со што Вашата земја ќе може да се придвижи во исполнувањето на своите евроатлантски аспирации,, се наведува во писмото на американскиот претседател Обама до претседателот Иванов.