Министерот за надворешни работи на Република Турција Ахмед Давутоглу ја продолжува посетата на на Македонија со средба со неговиот домаќин, министерот за надворешни работи Антонио Милошоски, а ќе биде примен и од претседателот Ѓорге Иванов, од претседателот на Собранието Трајко Вељаноски и од премиерот Никола Груевски. Предвидено е министерот Давутоглу да се сретне и со претставници на Парламентарната група за пријателство меѓу Македонија и Турција. На средбите се очекува да бидат разменети мислења за низа значајни прашања, особено во поглед на унапредување и продлабочување на билатералната соработка, за процесите на евроинтеграција на двете земји, како и за актуелни регионални теми.