Во касарната Илинден во Скопје ќе се одржи свеченост за испраќање во Авганистан на контигентот на АРМ кој ќе биде дел од наменските сили ФЕНИКС и задачите ќе ги извршува во рамките на мисијата ИСАФ. Овој контингент, кој го сочинуваат 79 припадници на полкот за специјални операции и баталјонот на Воената полиција, е планирано да извршува еднократна мисија во траење од девет месеци во источниот и северниот дел на Авганистан. Основни задачи ќе бидат обука и менторирање на Авганистанската национална армија и полиција, изведување на заеднички операции за поддршка на мирот и стабилноста во Авганистан, обезбедување на високи личности од воениот персонал на НАТО и ИСАФ и делување со коалициските сили на НАТО и САД.