На Брдо кај Крањ денеска се одржува конференција ,,Заедно за Европска Унија, - придонес на западен Балкан кон европската иднина,,. Покрај премиерите на Словенија и на Хрватска, како коорганизатори, на конференцијата учествуваат и премиерите на Босна и Херцеговина, Македонија, Црна Гора, Албанија и на Косово. На собирот не присуствува српскиот претседател Борис Тадиќ, поради формалностите околу косовската делегација. Од европските претставници, на конференцијата е комесарот за проширување Штефан Филе, а претседателот на Европскиот Совет Херман Ван Ромпеј, не допатува во Брдо, но го поздрави овој регионален собир.
