Плановите на Израел да изгради илјадници нови еврејски домови во источен Ерусалим не се поволни за напредок во мировните преговори на Блискиот исток, изјави американскиот претседател Барак Обама. Во интервју за американската телевизија Фокс Њуз, Обама дополни дека овој план на израелските власти не предизвикал криза во односите со Соединетите Држави. Израел и САД имаат специјална врска која нема да исчезне, рече Обама, додавајќи дека пријателите понекогаш не се согласуваат.
