Американскиот државен секретар Хилари Клинтон негираше дека односите на Вашингтон со Израел се во криза, по најавата на Израел за изградба на нови живеалишта во спорниот Источен Ерусалим. Таа синоќа изјави дека Соединетите Држави се апсолутно посветени на безбедноста на Израел, додавајќи оти Вашингтон сака Израел и Палестинците да ја докажат нивната посветеност и да се движат кон мировен договор со американско посредување.
