Известувачот на Европскиот парламент за визната либерализација Тања Фајон ги повика властите во Македонија и во Србија да спроведат информативна кампања, преку која ќе ги известат своите граѓани за постоење агенции кои им давале лажни ветувања за подобар живот во западните земји. Во врска со страхувањата дека зголемениот број на барања за азил за Белгија ќе ја загрозат визната либерализација, Фајон изјави дека се уште не се расправало за можните мерки, но оти е потребно да се воведе посилна контрола на границите и да се зајакнат условите за влез.
