Македонија од утре официјaлно ќе може да ги користи парите од ИПАРД фондовите, пренесува новинската агенција МИА. Еврокомесарот Ерван Фуере и вицепремиерот Васко Наумовски утре ќе потпишат договор за користење на пари од програмата на Европската Унија за пристапна помош.Според договорот европските 45 милиони евра и македонските 15 милиони евра ќе треба да се потрошат во рок од три години. Тие пари се наменети за инвестирање во земјоделието, за реконструирање и надградба на веќе постоечките земјоделски стопанства , но не и за формирање на нови. Парите треба да бидат вложени во лозарство, овоштарство, градинарство и одгледување на добиток за производство на млеко и месо по европски стандарди.