Новиот украински претседател Виктор Јанукович денеска во Брисел ги започна разговорите со највисоките претставници на Европската Унија. Меѓу другото се разговара и за енергетската безбедност и транзитот на рускиот гас, како и визниот режим меѓу Унијата и Украина. Одлуката на Јанукович, неговата прва посета како претседател да биде Брисел, се толкува како негов обид да докаже дека не е проруски ориентиран. По Брисел, на 5-ти март, предвиено е Јанукович да ја посети и Москва.
