Исламистичката бунтовничка група која оперира во југоисточниот дел на Иран објави на својата веб страна дека избра нов лидер. Асошиејтет прес известува дека за нов лидер е избран Моџамед ал Хаџ Џахир откако нивниот претходен водач е заробен од иранските безбедносни сили. Во пораката што е објавена на интернет страната на бунтовничката група се вели дека ќе продолжат да се борат за правата на сунитското муслиманско малцинство.